АВТОХАЛДЫЫШКЫННЫҢ КИРЖИКЧИЛЕРИ ЧАДААНАГА СОЛУН ПРОГРАММАЛЫГ КОНЦЕРТ КӨРГҮЗҮҮН.
ЧадаананыҢ Монгуш Мерген-Херел аттыг культура бажыңының баарынга шөлге май 2-де, “Тиилелге бистии болур!” деп тускай шериг даалгазында Российжи шериглерге тураскааткан чаа ырылар фестивалының киржикчилери автохалдыышкын-биле массалыг көргүзүгнү кылганнар. Тыва Республиканың алдарлыг артистери Станислав Ирил, Борбак-оол Салчак, Тываның улустун хөөмейжизи Андрей Монгуш, Кызылда 55-ки даг-адыгжы бригаданың үрер-хөгжум оркестринин ойнакчылары болгаш тускай шериг даалгазынга чораан оолдар патриотчу ырыларны күүсеткеннер.
Май-1-де, Тываның В. Халилов аттыг куруне филармониязының бажынының чанындан эгелээн “Тиилелге бистии болур” деп автоакцияның киржикчилери баштайгы хүнде Кызыл, Туран, Шагаан-Арыг хоорайларга четкеннер.
Чадаананың төп культура бажыңының чараш кыстары -дангыналар, Айдыс Ондарның удурткан танцы-самның бөлүү янзы-бүрү конкурстарга тиилелгелиг кууселделерин хөй-хөй көрүкчүлерге, келген аалчыларга бараалгатканнар.
Тускай шериг операциязының киржикчилеринге тураскааткан “Хөгжүмнү – чугле боттарының киржикчилеринге” деп төлевилелди Тываның күрүне филармониязы, Тываның“Саяннар”ансамблинин хоочунары Тываның культура яамызының деткиишкини-биле 2023 чылдың күзүнден эгелеп боттандырып эгелээн. Автохалдыышкынның киржикчилери Чадаанага солун программалыг концерт көргүзүүн бараалгаткаш, улаштыр Ак-Довурак хоорайже аъттаныпканнар.
