ТУСКАЙ ШЕРИГ ДААЛГАЗЫНДА ООЛДАРЫНГА ЧӨӨН-ХЕМЧИКТИҢ АВАЛАРЫ
Март 6-да, Чадаана хоорайның херээжен удуртукчуларының чыыжынга «Малышок» уруглар садының эргелекчизи Кара-Суу Борисовнаның саналдап, үндүрген бодалы-биле ай санында хоорайның энерел сеткилдиг херээжен чону акша-хөреңгилер чыгжып, тускай шериг операциязында оолдарывыска чаңгыс чер чурттугларывыска херек чүүлдерни садып, чорудар деп шиитпирни үндүрген.
Чадаананың херээженнер Чөвүлели (даргазы Нассык-оол Кара Танайевна) акша-дузаламчызын чыып эгелээн. Казначей кылдыр Светлана Намалаевна Ондар томуйлаткан. Ынчангаш Чөөн-Хемчик кожуун чагыргазы, суму чагыргалары, өөредилге эргелели, Чадаанада кожууннар аразында эмнелге төвү,Чадаана хоорайның албан организацияларының ажылдакчылары акша-хөреңгилерни шыдаар шаа-биле чыып, дузалажып турар.
Чадаана хоорайның херээженнер Чөвүлели удуурунга херек 35 херекселдерни, чылыг идик-хептерни, Чөөн-Хемчик кожуунда күрүне реестри 2 хааржак эмнерни, Ийме сумузу чылыг идик-хем аймаан чыгган. Камгалал четкилерни база идекпейлиг авалар өрүп белеткеп турарлар. Тускай шериг операциязында чаңгыс чер-чурттугларывыска гуманитарлыг дузаны кожууннуң мурнундан апрель 27-28-те чорудары-биле Кызылда Улусчу фронтуга хүлээдип чедирер.
